ინტერნეტ ბანკი

ინტერნეტ ბანკის უსაფრთხოება:

დისტანციური/ციფრული სერვისების გამოყენებისას აუცილებელია გარკვეული უსაფრთხოების ნორმების გათვალისწინება. ჩვენთვის პრიორიტეტულია ჩვენი მომხმარებლების უსაფრთხოებაზე ზრუნვა, ამისთვის ბანკში მოქმედებს ინტერნეტ უსაფრთხოების მაღალი ნორმები. ინტერნეტ ბანკში უსაფრთხოდ მუშაობისთვის გვინდა რამდენიმე ძირითადი რჩევა თქვენც გაგიზიაროთ:

•  ინტერნეტ ბანკით სარგებლობისას დარწმუნდით რომ იმყოფებით სილქ როუდ ბანკის დაცულ გვერდზე: . დაცული გვერდი ყოველთვის იწყება: https:// და აქვს ბოქლომის ნიშანი. თუ რომელიმე სიმბოლო სხვანაირად წერია, ეს ნიშნავს რომ ვებ-გვერდი ყალბია
•  გაითვალისწინეთ რომ სილქ როუდ ბანკი ელექტრონული ფოსტის მეშვეობით არასდროს მოგთხოვთ თქვენს პირად მონაცემებს, ინტერნეტ ბანკის სისტემაში შესასვლელ პაროლს და ა.შ. თუ თქვენ მიიღებთ მსგავსი ინფორმაციის შემცველ წერილს, დაუყონებლივ დაგვიკავშირდით საკონტაქტო ნომერზე 2242-242 და გვაცნობეთ აღნიშნული საკითხი
•  ელექტრონული ფოსტის მეშვეობით შესაძლებელია ასევე მიიღოთ ვირუსების შემცველი წერილი, აქედან გამომდინარე დაეჭვდით, თუ გამომგზავნი თქვენთვის უცნობია, თუ ელ-ფოსტა ნაკლებად პროფესიონალურად გამოიყურება ანდა შეიცავს შეცდომებს, არ გხსნათ წერილი და წაშალეთ დაუყოვნებლივ
• სისტემაში შესასვლელად საჭირო ყველა ინფორმაცია უნდა იყოს ცნობილი მხოლოდ თქვენთვის, რათა თავიდან აიცილოთ სხვადასხვა სახის პრობლემები. თუ თქვენი მონაცემები ცნობილი იქნება სხვისთვის და მოხდება გაუთვალისწინებელი შემთხვევა, სილქ როუდ ბანკი იხსნის პასუხისმგებლობას აღნიშნულ საკითხთან დაკავშირებით
• მოერიდეთ პაროლებს, რომლებიც შესაძლებელია სხვისთვის ადვილად გამოსაცნობი იყოს. მაგ. თქვენი დაბადების თარიღი, ზედმეტსახელი და ა.შ. ბევრი მომხმარებელი ფიქრობს რომ თუ პაროლი იქნება რთული აგებულების, შესაძლოა მათ ეს დაავიწყდეთ. აქედან გამომდინარე ყველაზე საუკეთესო ვარიანტია, გამოიყენოთ ადვილად დასამახსოვრებელი სიტყვა, მიაბათ ციფრები და გექნებათ პაროლი რომელიც სხვისთვის რთულად ამოსაცნობი იქნება
• ინტერნეტ ბანკის სისტემაში სამუშაოდ ნურასდროს გამოიყენებთ საზოგადოებისთვის ხელმისაწვდომ (ინტერნეტ კაფის კომპიუტერები), ან ნებისმიერ სხვა კომპიუტერს, თანამედროვე ანტივირუსის უზრუნველყოფის გარეშე
• აუცილებლად გამოიყენეთ ანტივირუსი
• ინტერნეტ ბანკის სისტემიდან გამოსვლა რეკომენდირებულია მოხდეს „გამოსვლა" ღილაკზე დაჭერით.

გთხოვთ, კარგად გაათვითცნობიეროთ, რომ ნებისმიერ მომენტში შეიძლება თქვენც აღმოჩნდეთ შეტევის მსხვერპლი, ყოველთვის გახსოვდეთ, რომ კიბერდამნაშავე თქვენთვის კარგად ნაცნობი იმიჯით ცდილობს თქვენს მოტყუებას და აუცილებლად გადაამოწმეთ ყველაფერი, რაც ოდნავ ეჭვს მაინც ბადებს. მხოლოდ ასე შეძლებთ დაიცვათ თავი კიბერ თავდასხმისგან და მინიმუმამდე შეამციროთ რისკები.

ინტრენეტ ბანკში უსაფრთხო მუშაობისთვის ტრანზაქციების დადასტურება ხდება eCode Device-ით (ელექტრონული მოწყობილობა, რომელიც აგენერირებს ერთჯერადი გამოყენების უნიკალურ კოდებს, შემდგომში - დიჯიპასი)